ڪراچي (مانيٽرنگ ڊيسڪ) ڪراچي ۾ منشيات وڪرو ڪرڻ جي الزام ۾ گرفتار انمول عرف پنڪي ۽ سندس ساٿي جوابدارن کي عدالتي حڪم باوجود منشيات ۽ هٿيارن جي هٿ اچڻ وارن ڪيسن ۾ عدالت ۾ پيش نہ ڪيو ويو.
ڪراچي جي جوڊيشل مئجسٽريٽ ڏکڻ چيو ته سينٽرل جيل ۽ وومين جيل جي سپرنٽنڊنٽن عدالتي حڪم تي عمل نه ڪيو، جڏهن ته ڪيسن جون ڪاپيون جوابدارن کي فراهم ڪرڻ لاءِ سندن عدالت ۾ موجودگي لازمي آهي.
عدالت موجب، جوابدارن کي وڊيو لنڪ ذريعي ڪيسن جون ڪاپيون فراهم ڪرڻ ممڪن ناهي، تنهن ڪري انمول عرف پنڪي ۽ ٻين جوابدارن جي حاضري ضروري آهي.
عدالت ايندڙ ٻڌڻي تي انمول عرف پنڪي سميت سمورن جوابدارن کي لازمي پيش ڪرڻ جو حڪم ڏيندي ٻڌڻي ايندڙ هفتي تائين ملتوي ڪري ڇڏي.
