واشنگٽن (انٽرنيشنل ڊيسڪ) آمريڪي بچاءَ واري وزير پيٽ هيگسيٿ جي اسرائيل جي اڻ اعلانيل دوري ۽ وزيراعظم بنيامين نيتن ياهو سان ملاقات جي دعويٰ سامهون اچي وئي آهي، جڏهن ته دوري جي آزاداڻي طور تي تصديق نه ٿي سگهي آهي.
آمريڪي نيوز ويب سائيٽ ايگزيـوز ٻن ذريعن جي حوالي سان دعويٰ ڪئي آهي ته پيٽ هيگسيٿ سومر ڏينهن اسرائيل جو غير اعلانيل دورو ڪيو ۽ نتنياهو سان ملاقات ڪئي.
رپورٽ موجب پينٽاگون دوري بابت تبصرو ڪرڻ کان انڪار ڪيو، جڏهن ته واشنگٽن ۾ اسرائيلي سفارتخاني پڻ روئٽرز جي تبصري جي درخواست جو جواب نه ڏنو.
روئٽرز جو چوڻ آهي ته هو هن دوري جي آزاداڻي طور تي تصديق نه ڪري سگهيو آهي.
هي دعويٰ اهڙي وقت سامهون آئي آهي، جڏهن آمريڪي صدر ڊونلڊ ٽرمپ ايندڙ هفتي ٿيندڙ اسرائيلي پارلياماني چونڊن ۾ نتنياهو جي حمايت جو اعلان ڪيو آهي.
ٻئي طرف ايران آمريڪا ۽ اسرائيل کي خبردار ڪيو آهي ته چونڊن کي جواز بڻائي ايران خلاف ڪنهن نئين حملي جي تياري نه ڪئي وڃي، جڏهن ته ايراني فوجي اختيارين جو چوڻ آهي ته هو ڪنهن به نئين فوجي ٽڪراءَ لاءِ تيار آهن.
