بچاءَ واري وزير خواجه آصف چيو آهي ته ايران جنگ دوران پاڪستان جو ڪردار قيامت تائين ياد رکيو ويندو۔
سيالڪوٽ ۾ ميڊيا سان ڳالهائيندي هن چيو ته يومِ عاشور اهڙي وقت تي آيو آهي، جڏهن خطي ۾ هڪ جنگ جاري هئي۔ ايراني قوم حضرت امام حسينؓ جي سنت ۽ ڪربلا جي شهيدن جي ياد کي هڪ ڀيرو ٻيهر تازو ڪري ڇڏيو آهي۔
خواجه آصف جو چوڻ هو ته هن جنگ دوران پاڪستان جيڪو ڪردار ادا ڪيو، اهو تاريخ ۾ قيامت تائين ياد رکيو ويندو۔ پاڪستان ٻنهي ملڪن وچ ۾ صلح ڪرائي ۽ سڄي امت آڏو سرخرو ٿيو۔
بچاءَ واري وزير وڌيڪ چيو ته لبنان اسرائيلي ظلم ۽ ڏاڍ کان نجات حاصل ڪندو، جڏهن ته جتي جتي مسلمانن تي ظلم ٿي رهيو آهي، الله تعاليٰ کين آزادي نصيب فرمائي۔
