بيروت: لبنان جي صدر جوزف عون آمريڪا ۾ لبنان ۽ اسرائيل وچ ۾ ٿيندڙ ڳالهين جي پنجين دور جي موقعي تي چيو آهي ته لبنان پنهنجي ڏاکڻن علائقن تان اسرائيلي قبضي جي خاتمي کان گهٽ ڪنهن به ڳالهه کي قبول نه ڪندو۔
لبنان جي صدر جوزف عون چيو ته اسان اسرائيلي قبضي جي خاتمي کان سواءِ ڪنهن به حل کي قبول نه ڪنداسين، ۽ ان سان گڏ پرڏيهي مداخلت جي خاتمي جا به خواهشمند آهيون، ڇو ته اسان جو واحد رستو قومي خودمختياري آهي۔
هن اميد ظاهر ڪئي ته ڳالهين جو نئون دور فيصلائتو ثابت ٿيندو، ملڪ ۽ عوام جي مفاد لاءِ گهربل نتيجا حاصل ڪرڻ ۾ مددگار ثابت ٿيندو جيڪو لبناني سرزمين جي هر انچ تي مڪمل خودمختياري جي بحالي آهي۔
