اسلام آباد: وزيراعظم شهباز شريف اپوزيشن کي پيشڪش ڪئي آهي ته ڪهڙي حڪومت قانوني هئي ۽ ڪهڙي غير قانوني؟ اچو، 2018ع کان جاچ شروع ڪريون۔
قومي اسيمبلي ۾ خطاب ڪندي شهباز شريف چيو ته “اچو 2018ع کان تحقيقات شروع ڪريون، پوءِ کير جو کير ۽ پاڻي جو پاڻي ٿي ويندو.”
هن قومي اسيمبلي ۾ اپوزيشن اڳواڻ محمود خان اچڪزئي کي جواب ڏيندي چيو ته “2018ع کان شروع ڪريون ٿا، پوءِ 2024ع تائين به پهچي وينداسين.”
وزيراعظم چيو ته موجوده حڪومت کي غير قانوني قرار ڏيندڙ ٻڌائن ته ڇا 2018ع ۾ وڏي پيماني تي جادوگري نه ٿي هئي؟
سندس چوڻ هو ته “ڳالهه نڪرندي ته پري تائين ويندي، جيڪڏهن اها حڪومت قانوني هئي ته پوءِ هيءَ حڪومت به قانوني آهي.”
