اسلام آباد: اسلام آباد جي ايڇ-9 اتوار بازار ۾ باهه لڳڻ سبب 335 دڪان ۽ اسٽال ساڙي خاڪ ٿي ويا آهن۔
ريسڪيو عملدارن موجب دڪانن ۾ موجود بيٽرين جي ڦاٽڻ سبب باهه جي شدت وڌي وئي، جڏهن ته باهه شروعاتي طور شارٽ سرڪٽ سبب لڳي۔
ريسڪيو ٽيمون ڪيترن ئي ڪلاڪن جي ڪوششن بعد باهه تي ضابطو آڻي ورتو آهي ۽ هن وقت کولنگ جو عمل جاري آهي۔
عملدارن جو چوڻ آهي ته ايڇ-9 اتوار بازار ۾ مجموعي طور 335 دڪان باهه جي زد ۾ آيا، جڏهن ته خوشقسمتي سان ڪنهن به جاني نقصان جي اطلاع نه ملي آهي۔
