ليڊز: آءِ سي سي وومينز ٽي ٽوئنٽي ورلڊ ڪپ ۾ پاڪستان کي لڳاتار چوٿين شڪست کي منهن ڏيڻو پيو، جتي آسٽريليا پاڪستاني وومينز ٽيم کي 113 رنسن تان شڪست ڏئي ڇڏي۔
آسٽريليا طرفان ڏنل 200 رنسن جي هدف جي تعاقب ۾ پاڪستاني ٽيم رڳو 86 رنسن تي آل آئوٽ ٿي وئي۔
آسٽريليا پهرين بيٽنگ ڪندي 7 وڪيٽن جي نقصان تي 199 رنسون ٺاهيون۔ ايليسي پيري 71 ۽ جارجيا وول 39 رنسون اسڪور ڪيون۔
پاڪستان طرفان نشرا سنڌو، رامين شميم ۽ سعديه اقبال ٻه ٻه وڪيٽون حاصل ڪيون۔
جواب ۾ پاڪستان طرفان منيبه علي کانسواءِ ڪو به بيٽر گهڻي دير تائين ڪريز تي نه بيهي سگهيو ۽ سڄي ٽيم 86 رنسن تي آل آئوٽ ٿي وئي۔
منيبه علي 32 رنسون ٺاهيون، جڏهن ته فاطمه ثنا 17 رنسون اسڪور ڪري سگهي۔
هي آءِ سي سي وومينز ٽي ٽوئنٽي ورلڊ ڪپ 2026 ۾ پاڪستان جي لڳاتار چوٿين شڪست آهي۔
پاڪستاني ٽيم اڃا تائين ٽورنامينٽ ۾ ڪا به ڪاميابي حاصل نه ڪري سگهي آهي، جڏهن ته هوءَ پنهنجو آخري ميچ نيدرلينڊز خلاف کيڏندي۔
