ايران جي صدر مسعود پزشڪيان جي آفيس گذريل مهيني ٿيندڙ مظاهرن دوران مارجي ويل 2,985 ماڻهن جا نالا ۽ سڃاڻپ جاري ڪري ڇڏيا آهن
ايوان صدر موجب مارجي ويل ماڻهن جا نالا ملڪ جي مختلف قومي اخبارن ۾ شايع ڪيا ويا آهن
صدراتي آفيس جو چوڻ آهي تہ تازو واقعن ۾ مجموعي طور 3,117 ماڻهو مارجي ويا، پر 131 لاشن جي سڃاڻپ اڃا ممڪن نہ ٿي سگهي آهي، تنهنڪري انهن جا نالا فهرست ۾ شامل نہ ڪيا ويا آهن.
بي بي سي فارسي جي رپورٽ موجب انساني حقن جي ڪارڪنن جي دعويٰ آهي تہ جاري ڪيل فهرست ۾ اڃا به ڪيترائي نالا شامل نه آهن
انهن جو چوڻ آهي ته مارجي ويل ماڻهن جي اصل تعداد سرڪاري انگن اکرن کان گهڻو وڌيڪ آهي ۽ ايراني حڪومت هن فهرست ذريعي مارجي ويلن جو تعداد گهٽ ڏيکارڻ جي ڪوشش ڪري رهي آهي.
ناروي جي گادي واري شھر اوسلو ۾ قائم ايراني انساني حقن جي تنظيم جي ڊائريڪٽر محمود اميري مقدم چيو آهي تہ ٽن هزار کان وڌيڪ ماڻهن جا نالا شايع ڪرڻ دراصل هڪ سنگين ۽ ڀيانڪ ڏوھ جو اعتراف آهي، جنهن جي عالمي سطح تي جاچ ٿيڻ گهرجي.
