پيپلز پارٽي آزاد ڪشمير جي وزيراعظم جي اميدوار جو نالو فائنل ڪري ورتو آھي
آزاد ڪشمير قانون ساز اسيمبلي ۾ اِن ھائوس تبديلي جي سلسلي ۾ پيپلز پارٽي وزارت عظميٰ لاءِ چوڌري ياسين جي نالي جي منظوري ڏئي ڇڏي آھي.
ذريعن موجب چوڌري ياسين جي نالي جو اعلان بلاول ڀٽو زرداري پاران زرداري ھائوس ۾ ڪيو، ان موقعي تي پيپلزپارٽي آزاد ڪشمير جي قيادت بہ موجود ھئي.
ذريعن جو چوڻ آھي تہ پيپلز پارٽي ۾ وزارت عظميٰ لاءِ چئن نالن تي غور ڪيو ويو، چوڌري ياسين، لطيف اڪبر، فيصل ممتاز راٺوڙ ۽ سردار يعقوب جي نالن تي غور ڪيو ويو.
ذريعن جو چوڻ آھي تہ آزاد ڪشمير جي وزيراعظم انوار الحق خلاف بي اعتمادي رٿ سڀاڻي آزاد ڪشمير اسيمبلي سيڪريٽري ۾ جمع ڪرائي ويندي.
