ايراني صدر مسعود پزشڪيان دعويٰ ڪئي آهي ته قطر ۾ منجمد ايراني اثاثن مان 6 ارب ڊالرن جا فنڊ جلد جاري ڪيا ويندا.
پرڏيهي خابرو اداري موجب صدر مسعود پزشڪيان پنهنجي بيان ۾ چيو آهي ته مجموعي طور 12 ارب ڊالرن جي رقم مان اڌ رقم واپس ايران منتقل ڪئي ويندي.
ايراني صدر چيو آهي ته اها اڳڀرائي موجوده ڳالهين ۽ خطي ۾ وڌندڙ ڇڪتاڻ باوجود سامهون اچي رهي آهي، جڏهن ته هن اهو به تسليم ڪيو ته صورتحال لاڳيتو تبديل ٿي رهي آهي ۽ معاملن تي اڳڀرائي جو عمل جاري آهي۔
ٻئي پاسي آمريڪي عملدارن جو چوڻ آهي ته هينئر تائين ايران جي ڪنهن به منجمد اثاثي جي منتقلي عمل ۾ نه آئي آهي.
هوڏانهن خليجي علائقي ۾ ڇڪتاڻ ۾ اضافو ڏٺو ويو آهي، جتي ايران طرفان بحرين ۽ ڪويت تي ڊرون ۽ ميزائل حملن جون رپورٽون سامهون آيون آهن.
ايران خبردار ڪيو آهي ته جيڪڏهن آمريڪي حملا جاري رهيا ته ڳالهيون مڪمل طور تي روڪيون وينديون، جنهن سبب خطي ۾ تڪرار ۽ ڇڪتاڻ وڌيڪ وڌڻ جو خدشو پيدا ٿي ويو آهي۔
