ايراني پارليامينٽ جي اسپيڪر محمد باقر قالیباف آمريڪي مڊٽرم چونڊن ۾ ريپبلڪن پارٽي جي ٻنهي ايوانن ۾ نقصان تي ردعمل ڏيندي چيو آهي ته آمريڪي عوام جنگ خلاف ووٽ ڏنو آهي.
سوشل ميڊيا تي جاري ڪيل بيان ۾ قالیباف چيو ته آمريڪي عوام ضمير جي آواز يا مهانگائي جي دٻاءَ سبب جنگ خلاف فيصلو ڏنو آهي، ايران به آمريڪي عوام جي ان موقف جي حمايت ڪري ٿو.
هن خبردار ڪيو ته جيڪڏهن آمريڪي حڪومت عوام جي خواهش کي نظرانداز ڪري عالمي طاقتن ۽ دٻاءُ وجهندڙ ڌرين جي مفادن لاءِ ڪم ڪيو ته ان جا سنگين نتيجا نڪري سگهن ٿا.
قالیباف وڌيڪ چيو ته عوام پاران جنگ کي رد ڪرڻ واري پيغام کي نظرانداز ڪرڻ آمريڪا لاءِ نقصانڪار ثابت ٿي سگهي ٿو.
سندس اهو بيان اهڙي وقت سامهون آيو آهي، جڏهن آمريڪي مڊٽرم چونڊن ۾ ريپبلڪن پارٽي کي ڪانگريس جي ٻنهي ايوانن ۾ نقصان پهتو آهي.
