مڪي مڪرمہ ۾ تيز برسات دوران خانه ڪعبه جي چوڌاري طواف ڪندڙ زائرين جا روح پرور منظر سامهون آيا آهن، جتي مينهن جي وسڪاري باوجود عمره زائرين عبادت ۽ طواف ۾ مصروف رهيا. حرم شريف جا اهي ايمان افروز منظر ماڻهن جي دلين کي ڇهي ويا.
برسات دوران مسجد الحرام ۾ روحاني ماحول وڌيڪ دلڪش بڻجي ويو، جتي زائرين رحمت جي برسات ۾ خانه ڪعبه جو طواف جاري رکيو.
برسات سبب مڪي مڪرمہ ۽ ڀرپاسي جي علائقن ۾ موسم خوشگوار ٿي وئي، جڏهن ته مڪي ڪلاڪ ٽاور تي آسماني بجلي ڪرڻ جا منظر پڻ ڏٺا ويا.
