تھران: ايران جي نائب صدر محمد رضا عارف چيو آهي ته ايران کي دشمن تي ڪو به ڀروسو ناهي، ۽ جيڪڏهن آمريڪا سان ڪنهن معاهدي تائين پهچي به وڃون، تڏهن به ان ڳالهه جي ڪا ضمانت ناهي ته دشماڻا قدم بند ٿي ويندا۔
ايراني نائب صدر موجب ايران پنهنجون دفاعي تياريون جاري رکندو، ۽ سائنس ۽ ٽيڪنالاجي ذريعي دفاعي صلاحيت کي وڌيڪ مضبوط ڪرڻ ضروري آهي۔
محمد رضا عارف وڌيڪ چيو ته قومي دفاع کي مضبوط بڻائڻ ايران جي مستقل پاليسي آهي، ۽ آمريڪا سان ممڪن معاهدي جي صورت ۾ به احتياط ضروري آهي۔
