اسلام آباد جي دهشتگرديءَ جي انت واري عدالت پاڪستان تحريڪِ انصاف (پي ٽي آءِ) جي اڳواڻن خلاف احتجاج واري ڪيس ۾ چالان جمع نه ڪرائڻ تي ڊي آءِ جي اسلام آباد جواد طارق کي ھڪ مهيني جي قيد جي سزا ٻڌائي ڇڏي آهي۔
دهشتگرديءَ جي انت واري عدالت جي جج طاهر عباس سپرا ڊي آءِ جي کي سزا جو حڪم جاري ڪيو۔
عدالت ڊي آءِ جي جواد طارق کي ھڪ لک رپيا جرمانو ادا ڪرڻ جو به حڪم ڏنو آهي۔
جج طاهر عباس سپرا سزا جو زباني حڪم ٻڌائيندي چيو ته تحريري حڪم ٿوري دير ۾ جاري ڪيو ويندو۔
واضح رهي ته عدالت جي ڪيترن ئي نوٽيسن باوجود ڪيس جو چالان جمع نه ڪرايو ويو هو، ۽ پي ٽي آءِ اڳواڻن خلاف ٿاڻو مارگلا ۾ ڪيس داخل آهي۔
