پاڪستاني فلم انڊسٽري جي اڳوڻي اداڪاره ۽ ڊانسر نرگس هڪ ڀيرو ٻيهر خبرن جي زينت بڻجي وئي آهي۔
تازو ئي سندس هڪ انٽرويو سوشل ميڊيا تي وائرل ٿي رهيو آهي، جنهن ۾ هن چيو آهي ته هوءَ پنهنجي شوبز جي ڪمائي مان باقاعدگي سان زڪوات ادا ڪندي رهي آهي ۽ زڪوات مال کي پاڪ ڪري ڇڏيندي آهي۔
نرگس ماضي ۾ لالي ووڊ ۽ ٿيٽر جي مشهور فنڪاره رهي چڪي آهي. شادي کان پوءِ هن شوبز کان ڪنارو اختيار ڪيو ۽ هاڻي لاهور ۾ پنهنجو ڪاروبار هلائي رهي آهي. هلندڙ سال کيس حج جي سعادت به حاصل ٿي۔
انٽرويو ۾ نرگس پنهنجي ماضي ۽ موجوده زندگي بابت ڳالهائيندي چيو ته 1992 کان جڏهن مون ڪمائڻ شروع ڪيو، تڏهن کان آئون ڪڏهن به پنهنجي آمدني مان 2.5 سيڪڙو زڪوات ڪڍڻ کان سواءِ گهر نه کڻي وئي آهيان. آئون قسم کڻي چوان ٿي ته زڪوات توهان جي مال کي پاڪ ڪري ڇڏي ٿي۔
هن چيو ته ماضي ۾ پنهنجي پيشه ورانه زندگي کي عبادت سمجهي انجام ڏيندي هئي ۽ منهنجي ڪيريئر ۾ فحش ڊانس ڳولڻ مشڪل آهي۔
نرگس حج دوران پنهنجا جذباتي تجربا به بيان ڪيا ۽ چيو ته طواف دوران ماڻهن جي محبت ۽ عزت مون کي تمام گهڻو متاثر ڪيو۔
نرگس جي هن بيان کان پوءِ سوشل ميڊيا تي ردعمل سامهون آيو آهي. ڪيترن صارفين سندس زندگي ۾ آيل مثبت تبديلي، توبه ۽ دين ڏانهن رجوع ڪرڻ جي ساراه ڪئي، جڏهن ته ڪجهه ماڻهن سندس زڪوات بابت موقف تي تنقيد به ڪئي آهي۔
