اقوامِ متحدہ جي اجلاس ۾، جيڪو جنسي تشدد جي خاتمي جي عالمي ڏينهن جي موقعي تي منعقد ٿيو، اسرائيلي سفير ڊيني ڊينن ۽ اقوامِ متحده جي اعليٰ عهديدار وينيسا فريزيئر وچ ۾ سخت لفظي تڪرار ٿي پيو۔
ڊيني ڊينن گڏيل قومن جي خاص نمائندي پراميلا پيٽن جي استعيفيٰ جو مطالبو ڪندي مٿس الزام لڳايو ته هوءَ اسرائيل خلاف جانبدار آهي۔
هن جو چوڻ هو ته اقوامِ متحده جو سيڪريٽري جنرل انتونيو گوتريس اداري کي اسرائيل کي نشانو بڻائڻ لاءِ استعمال ڪري رهيو آهي۔
ان دوران وينيسا فريزيئر مداخلت ڪندي ڊيني ڊينن کان ذاتي حملا ڪرڻ کان پاسو ڪرڻ جو مطالبو ڪيو ۽ چيو ته اسان جي رپورٽ ثبوتن تي ٻڌل آهي۔
جواب ۾ اسرائيلي سفير سخت لهجو اختيار ڪندي چيو ته هو خاموش رهي، ڇو ته هو گڏيل قومن جي ملازم آهي، جڏهن ته اسرائيل هڪ ميمبر رياست آهي۔
ان تي وينيسا فريزيئر خاموش ٿيڻ بدران اسرائيلي سفير کي حقيقتن تي ٻڌل رپورٽن جو حوالو ڏيندي آئينو ڏيکاريندي رهي، جڏهن ته اسرائيلي سفير رپورٽن کي ضد سان رد ڪندي نظر آيو۔
واضح رهي ته وينيسا فريزيئر جي تازي رپورٽ ۾ فلسطيني ٻارن خلاف مبينا خلاف ورزين تي ڳڻتي جو اظهار ڪيو ويو آهي، جڏهن ته اسرائيل اڳ ئي گڏيل قومن جي تڪراري فهرست ۾ شامل آهي۔
رپورٽ ۾ اسرائيلي آبادڪاري گروپن کي به فهرست ۾ شامل ڪرڻ جو امڪان ظاهر ڪيو ويو آهي۔
واضح رهي ته پراميلا پيٽن جي رپورٽ ۾ به اسرائيل کي پهريون ڀيرو تڪرارن دوران جنسي تشدد جي الزامن تي بليڪ لسٽ ڪيو ويو هو، جنهن تي اسرائيل سخت ردعمل ڏيندي گڏيل قومن جي سيڪريٽري جنرل جي آفيس سان لاڳاپا ختم ڪرڻ جو اعلان ڪيو هو۔
