لاهور (مانيٽرنگ ڊيسڪ): قانون سڀني لاءِ برابر هجڻ گهرجي، پر جڏهن پوليس تي ئي اختيارن جي مبينا غلط استعمال ۽ پئسا وٺي جوابدارن کي ڇڏڻ جا الزام لڳن ته معاملو وڌيڪ اهميت اختيار ڪري وڃي ٿو. لاهور ۾ مشهور ٽڪ ٽاڪ اسٽار نديم ناني والا جي ڀيڻ ساميه مبارڪ کي مبينا پروٽوڪول ڏيڻ ۽ گرفتاريءَ کانپوءِ پئسا وٺي ڇڏڻ واري معاملي تي ٽن پوليس اهلڪارن کي عهدن تان هٽايو ويو آهي.
رپورٽن موجب، ساميه مبارڪ کي بنا نمبر پليٽ واري گاڏي هلائڻ تي روڪيو ويو هو. ان واقعي کانپوءِ ڊي ايس پي نه، پر ڊي آءِ جي آپريشنز موجب، ڊيفنس بي ٿاڻي جي ايس ايڇ او، محرر ۽ هڪ ليڊي ڪانسٽيبل کي عهدن تان هٽايو ويو آهي.
پوليس اهلڪارن تي اختيارن کان تجاوز ڪرڻ ۽ مبينا طور پئسا وٺي ڇڏڻ جا الزام آهن. معاملي جي شفاف جاچ لاءِ انڪوائري ايس ايس پي آپريشنز حوالي ڪئي وئي آهي.
ڊي آءِ جي آپريشنز موجب، جاچ دوران الزام ثابت ٿيڻ جي صورت ۾ لاڳاپيل اهلڪارن خلاف کاتي واري ڪارروائي ڪئي ويندي.
