سنڌ سميت سموري ملڪ ۾ عيد الفطر مذھبي جوش ۽ جذبي سان ملھائي پئي وڃي، ڊبليو ٽي اين سٿ پاران پنھنجي ڏسندڙن کي عيد جون واڌايون ھجن۔ ڪراچي، اسلام آباد، ملتان، ڪوئيٽا، پشاور ۽ ٻين شھرن ۾ عيد جا وڏا اجتماع ٿيا.
صدر آصف علي زرداري زرداري ھائوس نوابشاھ ۾عيد نماز ادا ڪئي، پ پ چيئرمين بلاول ڀٽو زرداري ڳڙھي خدا بخش ۾، عيد نماز پڙھڻ کانپوءِ شھيدن جي مزار تي حاضري ڀري ۽ دعا گھري.
گورنر سنڌ گورنر ھائوس ۾ عيد نماز پڙھي، جڏھن تہ مولانا فضل الرحمان ڊي آءِ خان جي علائقي عيد خيل ۾ عيدالفطر جي نماز پڙھائي.
وڏي وزير مراد علي شاھ، سينيئر وزير شرجيل انعام ميمڻ، گھرو وزير ضياءَ الحسن لنجار پنھنجن اباڻن علائقن ۾ عيد نماز ادا ڪرڻ کانپوءِ پاڪستان جي سلامتي ۽ خوشحالي لاءِ دعائون گھريون.
