ڪراچي ( ڊبليو ٽي اين ) ڪراچي جي علائقي قيوم آباد ۾ 100 کان وڌيڪ ٻارڙن ۽ ٻارڙين کي زيادتي جو نشانو بڻائي وڊيو ٺاھيندڙ جوابدار کي پوليس گرفتار ڪرڻ جي دعويٰ ڪئي آھي، پوليس گرفتار جوابدار کي بدنام جنسي جوابدار قرار ڏيندي واقعي جا 3 ڪيس داخل ڪري ورتا آھن.
ڊي آءِ جي ڏکڻ سيد اسد رضا نجي ٽي وي سان ڳالھائيندي ٻڌايو تھ پوليس کي اطلاع مليو تھ قوم آباد جي علائقي سي ايريا ۾ رھواسين عثمانيھ مسجد ويجھو مبينا جوابدار شبير کي پڪڙيو، جيڪو علائقي ۾ ريڙھي تي جوس ۽ شربت وڪرو ڪندو ھو.علائقي واسين مبينا جوابدار تي ڇوڪرن ۽ ڇوڪرين کي جنسي طور ھراسان ڪرڻ جو الزام ھنيو ۽ کيس تشدد جو نشانو بڻايو.
جوابدار ريڙھي تي شربت وڪرو ڪندو ھو
ڊي آءِ جي ڏکڻ موجب ڊفينس پوليس قيوم آباد جي سي ايريا ۾ 28 ورھين جي فروٽ وڪرو ڪندڙ شبير احمد کي نابالاغ ڇوڪرين سان مبينا زيادتي جي الزام ۾ ماڻھن جي مدد سان پڪڙيو.
پوليس موجب جوابدار گذريل 10 سالن دوران نابالغ ڇوڪرين ۽ ڇوڪرن سان مبينا زيادتي ڪندڙ ڪرڻ ۽ پنھنجي موبائيل فون سان سندن وڊيو رڪارڊ ڪرڻ جو اعتراف ڪيو آھي.
جوابدارن جي فون مان ڇوڪرين جا وڊيوز ھٿ
سينيئر پوليس آفيسر موجب جوابدار جي قبضي مان ھڪ موبائيل فون ھٿ ڪئي وئي آھي، جنھن ۾ 8 کان 12 ورھين جي نابالغ ڇوڪرين سان زيادتي ۽ جنسي جنسي جون ڪيتريون ئي وڊيوز موجود آھن.
پوليس دعويٰ ڪندي چيو تھ جاچ دوران جوابدار اعتراف ڪيو تھ ھو ڪيترين ئي نابالغ ڇوڪرين کي ڪجھھ سئو رپيا ڏئي ورغلائيندو ھو، جوابدار مبينا جو اھو بھ اعتراف ڪيو ھو تھ ٻارڙين کي پنھنجي ڪمري ۾ وٺي ويندو ھو، جتي ھو اڪيلو رھندو ھو، پوليس موجب جوابدار قيوم آباد جي سي ايريا ۾ پنھنجي ڪمري ۾ 100 کان وڌيڪ نابالغ ڇوڪرين کي جنسي زيادتي جو نشانو بڻائي سندن وڊيو بھ ٺاھي.
جوابدارن وٽان موبائيل فون ۽ ھڪ يو ايس بي بھ ھٿ آئي
نجي ٽي وي چينل پنھنجي رپورٽ ۾ ڊي آءِ جي ڏکڻ سيد اسد رضا جو وڌيڪ حوالو ڏيندي چيو تھ جوابدار جي قبضي مان ھڪ يو ايس بي ۽ موبائيل فون ھٿ ڪئي وئي آھي، موبائيل فون مان مليو وڊيوز بھ فارنزڪ لاءِ موڪلي وئي آھي.
ڊفينس پوليس موجب مختلف نابالغ ڇوڪرين جي والدين جي شڪايت تي جوابدار خلاف پاڪستان پينل ڪوڊ جي قلم 376 تحت 3 ايف آءِ آر داخل ڪيون ويون آھن، پوليس کائنس ھر رخ کان جاچ ڪري رھي آھي.
پوليس موجب جوابدار گذريل 10 سالن کان ڪراچي ۾ رھي ٿو، سندس واسطو خيبرپختونخواھھ جي علائقي ايبٽ آباد ۾ آھي. ڊي آءِ جي ڏکڻ جوابدار کي ڪراچي جي سب کان بدنام جنسي جوابدارن مان ھڪ قرار ڏنو آھي.
