قومي اسيمبلي 27-2026ع جي بجيٽ جي منظوري ڏئي ڇڏي، جنهن کان پوءِ اجلاس سڀاڻي صبح 11 وڳي تائين ملتوي ڪيو ويو۔
قومي اسيمبلي جو بجيٽ اجلاس اسپيڪر سردار اياز صادق جي صدارت هيٺ ٿيو، جنهن ۾ ميمبرن بجيٽ جي منظوري ڏني۔
بجيٽ جي منظوري وقت پي ٽي آءِ جي حمايت يافته ميمبرن ۽ انهن جي اتحادي جماعتن ايوان مان واڪ آئوٽ ڪيو، جڏهن ته جميعت علماءِ اسلام (جي يو آءِ) جا ميمبر ايوان ۾ موجود رهيا۔
ان دوران جميعت علماءِ اسلام (جي يو آءِ) جي ميمبر عاليہ ڪامران بجيٽ ۾ ترميمون پيش ڪيون۔
علي حيدر گيلاني موبائل فونن تي ٽيڪس بابت پنهنجي ترميم واپس وٺي ڇڏي۔
شاھد اختر علي جي الائونسز تي ٽيڪس نه لڳائڻ واري ترميم، ۽ عاليه ڪامران ۽ نعيمه ڪشور جون ترميمون به رد ڪيون ويون۔
ان کان پوءِ قومي اسيمبلي جو اجلاس سڀاڻي صبح 11 وڳي تائين ملتوي ڪيو ويو۔
واضح رهي ته 12 جون تي خزاني واري وزير محمد اورنگزيب قومي اسيمبلي ۾ 18 هزار 771 ارب رپين کان وڌيڪ ماليت جي وفاقي بجيٽ 2026-27 پيش ڪئي ھئي۔
