اسلام آباد: وفاقي گهرو وزير محسن نقوي اڄ هڪ اهم سرڪاري دوري تي ايران روانو ٿي ويو، جتي هو گاديءَ واري هنڌ تهران ۾ ايراني حڪومت جي نمائندن سان ملاقاتون ڪندو۔
وفاقي گهرو وزير جي ملاقاتن ۾ پاڪستان ۽ ايران جي ٻه طرفي لاڳاپن، خطي جي مجموعي صورتحال ۽ گڏيل دلچسپي وارن ٻين معاملن تي ڳالهه ٻولهه ڪئي ويندي۔
ذريعن موجب ايران ۽ آمريڪا وچ ۾ جاري ڳالهيون به هن ملاقاتن جو اهم موضوع هونديون۔
محسن نقوي پاڪستان جي سفارتي ڪوششن جي سلسلي ۾، جيڪي علائقائي ڇڪتاڻ گهٽائڻ ۽ ڳالهين کي هٿي ڏيڻ لاءِ ڪيون پيون وڃن، ڪيترائي ڀيرا تهران جو دورو ڪري چڪو آهي۔
سندس هي تازو دورو به علائقائي سفارتڪاري ۽ خطي ۾ جاري اڳڀرائي جي حوالي سان انتهائي اهم قرار ڏنو پيو وڃي۔
