آمريڪي صدر ڊونلڊ ٽرمپ جي ايران تي حملي کي منسوخ ڪرڻ ۽ ايران ڊيل هن هفتي ٿيڻ بابت بيان جا عالمي اثر ظاهر ٿيڻ شروع ٿي ويا آهن۔
پرڏيهي خبر ايجنسي موجب آمريڪي صدر جي بيان کان پوءِ عالمي مارڪيٽ ۾ خام تيل جون قيمتون 4 سيڪڙو گهٽجي ويون آهن۔
عالمي مارڪيٽ ۾ برينٽ، ڊبليو ٽي آءِ ۽ يو اي اِي مربن جو تيل لڳ ڀڳ 87 کان 89 ڊالر في بيرل ۾ وڪرو ڪيو پيو وڃي.
ٻئي طرف ايشيائي اسٽاڪ مارڪيٽن ۾ ڪاروبار جي شروعات تي تيزي ڏٺي وئي آهي. جاپان جو نڪي 225 انڊيڪس 3.5 سيڪڙو وڌي ويو آهي۔
ساڳئي وقت ڏکڻ ڪوريا جي ڪوسپي انڊيڪس ۾ به 7.5 سيڪڙو کان وڌيڪ واڌ رڪارڊ ڪئي وئي آهي۔
