اداکارہ مومنه اقبال جي ڀيڻ رمشه اقبال چيو آهي ته اين سي سي آءِ اي پاران ثاقب چڍڙ خلاف ڪيس داخل ڪرڻ وڏي ڪاميابي آهي.
لاهور ۾ پريس ڪانفرنس ڪندي رمشه اقبال چيو ته هو پنجاب جي وڏي وزير مريم نواز جا شڪر گذار آهن، جن غيرجانبدار ڪارروائي جا حڪم ڏنا.
رمشه اقبال چيو ته اين سي سي آءِ اي پاران ثاقب چڍڙ خلاف ڪيس داخل ڪرڻ ڪا معمولي ڳالهه نه آهي، اهو اسان جي الزامن جي صحيح هجڻ جو ثبوت آهي.
هن وڌيڪ چيو ته هو سومر تي نئين درخواست پڻ داخل ڪرائينديون ۽ ڪنهن به صورت ۾ پوئتي نه هٽنديون۔
اداکاره جي ڀيڻ مطالبو ڪيو آهي ته ثاقب چڍڙ پنهنجا الزام ۽ ڪروڙين رپين جا دعوٰي ثابت ڪن، ته پوءِ اسان رقم واپس ڪرڻ لاءِ تيار آهيون.
رمشه اقبال الزام لڳايو ته ثاقب چڍڙ قتل جون ڌمڪيون ڏنيون ۽ مون کي ۽ مومنه کي ڌمڪين وارا وائس نوٽ به موڪليا. هن وڌيڪ چيو ته سوشل ميڊيا تي اسان خلاف پيڊ مهم پڻ هلائي وئي.
واضح رهي ته اداڪاره مومنه اقبال کي هراسان ڪرڻ واري معاملي ۾ نيشنل سائبر ڪرائم انويسٽيگيشن ايجنسي پنجاب جي ميمبر اسيمبلي ثاقب چڍڙ خلاف ڪيس داخل ڪري ڇڏيو آهي.
ايم پي اي ثاقب چڍڙ خلاف ڪيس پيڪا ايڪٽ تحت داخل ڪيو ويو آهي. مدعي موجب ثاقب چڍڙ ۽ سندس ساٿين بليڪ ميلنگ ڪئي ۽ ڌمڪيون ڏنيون آهن۔
