ٻئي ميچ ۾ آسٽريليا پاڪستان کي 42 رنسن تان شڪست ڏئي سيريز 1-1 سان برابر ڪري ڇڏي۔
لاهور جي قذافي اسٽيڊيم ۾ کيڏيل ميچ ۾ پاڪستان جي ڪپتان شاهين آفريدي ٽاس کٽي آسٽريليا کي پهريان بيٽنگ جي دعوت ڏني۔
مهمان ٽيم مقرر 50 اوورن ۾ 9 وڪيٽن جي نقصان تي 231 رنسون ٺاهيون۔
آسٽريليا طرفان ڪيمرون گرين 53، جوش انگلس 51 ۽ ميٽ رنشا 43 رنسن سان نمايان رهيا۔
پاڪستان طرفان ڪپتان شاهين آفريدي 3 وڪيٽون حاصل ڪيون، جڏهن ته حارث رئوف، عرفات منهاس ۽ ابرار احمد 2،2 وڪيٽون ورتيون۔
232 رنسن جي هدف جي تعاقب ۾ پاڪستان جي پوري ٽيم 44 اوورن ۾ 190 رنسن تي آئوٽ ٿي وئي۔
پاڪستان طرفان شاداب خان ناٽ آئوٽ 71 رنسن جي اننگ کيڏي. ان کان علاوه غازي غوري 37 ۽ عرفات منهاس 33 رنسون ٺاهيون۔
آسٽريليا طرفان ناٿن ايليس 4 ۽ ميٿيو شارٽ 3 رانديگرن کي آئوٽ ڪيو۔
ياد رهي ته پهرين ميچ ۾ پاڪستان آسٽريليا کي 5 وڪيٽن تان شڪست ڏني هئي، ۽ ٽن ميچن جي سيريز ۾ پاڪستان کي 1-0 جي برتري حاصل هئي۔
