پاڪستان ڪرڪيٽ ٽيم جي اڳوڻي ڪپتان وسيم اکرم حج جي ادائيگي بابت سوشل ميڊيا تي بيان جاري ڪيو آهي۔
سوشل ميڊيا پيغام ۾ هن لکيو ته: “الحمدلله! الله تعاليٰ جا لک ٿورا جو هن مون کي بيت الله جي حج جي سعادت نصيب ڪئي.”
وسيم اکرم وڌيڪ لکيو ته ڪيترن ئي ماڻهن اندازا ۽ گمان لڳايا ته هي سفر ڪنهن ڪرايو ۽ ڪيئن ٿيو، پر حقيقت اها آهي ته هي منهنجو خالص ذاتي فيصلو هو۔
هن لکيو ته مون پنهنجي دل ۾ هڪ اهڙو روحاني مقام محسوس ڪيو جتي حج جو فرض ادا ڪرڻ ضروري ٿي ويو. هن مقدس سفر منهنجي روح ۾ هڪ اهڙي چمڪ پيدا ڪئي آهي جيڪا هميشه روشن رهندي۔
اڳوڻي ڪرڪيٽر وڌيڪ لکيو ته دعا آهي ته منهنجا ڪيترائي ڀائر ۽ ڀينر به هن روحاني سفر لاءِ همت ڪن، حج جي سعادت حاصل ڪن ۽ انهي خوشي سان سرشار ٿين۔
واضح رهي ته هن ڀيري وسيم اکرم سميت پاڪستان جون ڪيتريون ئي مشهور شخصيتون به فريضهٔ حج ادا ڪري چڪيون آهن۔
