ايران جي دوري تي ويل گھرو وزير محسن نقوي ايراني پرڏيھي وزير عباس عراقچي سان ملاقات ڪئي آھي.
ايراني سرڪاري ميڊيا مطابق ٻنھي اڳواڻن ملاقات ۾ ٻہ طرفي تعلقات ۽ گڏيل دلچسپي جي معاملن تي خيالن جي ڏي وٺ ڪئي.
محسن نقوي ۽ عباس عراقچي وچ ۾ ھڪ ھفتي کان بہ گھٽ عرصي ۾ ھيءَ ٻي ملاقات آھي.
گھرو وزير جي گذريل ڏينھن ايران جي صدر مسعود پزشڪيان سميت ايران جي اعليٰ سول ۽ عسڪري قيادت سان ملاقات ۾ ايران ۽ آمريڪا وچ ۾ جاري ڳالھين تي خيالن جي ڏي وٺ ڪئي وئي.
محسن نقوي جو ھڪ ھفتي ۾ ايران جو ھيءَ ٻيو دورو آھي.
