پاڪستان اسٽاڪ ايڪسچينج ۾ ڪاروباري ھفتي جي ٽئين ڏينھن مثبت رجحان ڏٺو پيو وڃي.
بازارِ حصص ۾ ڪاروبار دوران 100 انڊيڪس ۾ 616 پوائنٽس جو اضافو رڪارڊ ڪيو ويو جنھن بعد انڊيڪس ھڪ لک 63 ھزار 513 پوائنٽس تي اچي ويو.
اڄ ھينئر تائين جي ڪاروبار دوران 100 انڊيڪس ھڪ لک 62 ھزار 895 پوائنٽس جي ھيٺين سطح تائين آيو، جڏھن تہ ھڪ لک 63 ھزار 814 جي بلند سطح تائين بہ ويو.
واضح رھي تہ گذريل ڏينھن ڪاروبار جي اختتام تي 100 انڊيڪس ھڪ لک 62 ھزار 896 پوائنٽس تي بند ٿيو.
ٻئي طرف انٽر بئنڪ ۾ ڊالر ھڪ پئسو سستو ٿي 278 رپيا 56 پئسن جو ٿي ويو.
گذريل ڏينھن انٽر بئنڪ ۾ ڊالر 278 رپيا 57 پئسن تي بند ٿيو ھو.
