تھران: ايران جي پرڏيھي وزير عباس عراقچي چيو آھي تہ اسرائيل سان ڳٺ جوڙ ڪندڙن کان حساب ورتو ويندو.
سماجي رابطن واري ويب سائٽ ايڪس تي جاري بيان ۾ عباس عراقچي چيو تہ ايران جي عظيم عوام سان دشمني ھڪ احمقاڻي جوا آھي، ايراني عوام سان دشمني لاءِ اسرائيل سان ڳٺ جوڙ معافي جوڳو ناھي.
ايراني پرڏيھي وزير بيان ۾ وڌيڪ چيو تہ اسرائيلي وزيراعظم نيتن ياھو جيڪو انڪشاف ڪيو آھي، ايراني سيڪيورٽي ادارا تمام پھريان قيادت کي ٻڌائي چڪا ھئا.
