اسلام آباد: آمريڪا سان ڳالھين جي ٻئي دور لاءِ ايران جي پرڏيھي معاملن واري وزير عباس عراقچي جي قيادت ۾ ايراني وفد اسلام آباد پھچي ويو.
پرڏيھي معاملن واري آفيس مطابق نائب وزيراعظم اسحاق ڊار ۽ فيلڊ مارشل ماصم منير ايراني وفد جو استقبال ڪيو، پاڪستان ۾ ايراني سفير رضا اميري مقدم ۽ پاڪستان جو گھرو وزير محسن نقوي پڻ ان موقعي تي موجود ھو.
دوري دوران ايراني پرڏيھي معاملن وارو وزير پاڪستان جي اعليٰ قيادت سان ملاقاتون ڪندو، ملاقاتن ۾ خطي جي تازي صورتحال سميت امن ۽ استحڪام لاءِ جاري ڪوششن تي خيالن ڏي وٺ ڪئي ويندي.
پاڪستان جو دورو مڪمل ڪرڻ بعد ايراني پرڏيھي معاملن وارو وزير مسقط ۽ ماسڪو جو بھ دورو ڪندو، ان کان اڳ عباس عراقچي اسلام آباد، مسقط ۽ ماسڪو جي دوري جو اعلان ڪندي چيو ھو تھ پاڙيسري ملڪ سندس ترجيح آھن.
ايڪس تي جاري بيان ۾ ايراني پرڏيھي معاملن واري وزير چيو تھ انھن شھرن جي وقت سر دوري تي روزانو ٿي رھيو آھيان، دوري جو مقصد ٻھ طرفن معاملن تي ڀائيواري سان ويجھن رابطن ۽ علائقائي اڳڀرائي تي مشاورت ڪرڻ آھي.
ٻئي پاسي وائٽ ھائوس جي ترجمان ڪيرولين ليويٽ جو چوڻ آھي تھ سٽيو وٽڪوف ۽ جيرڊ ڪشنر اڄ ڳالھين لاءِ پاڪستان روانا ٿيندا.
ترجمان جو چوڻ آھي تھ جي ڊي وينس آمريڪا ۾ رھي صورتحال تي نظر رکندو، ضرورت پوڻ تي پاڪستان روانگي لاءِ اسٽينڊ باءِ رکيو ويندو، اميد آھي تھ ڳالھھ ڳالھھ نتيجو ڏيندڙ ٿيندي ۽ ڊيل طرفان وڌندي.
ڪيرولين جو وڌيڪ چوڻ ھو تھ ايران پاڻ رابطو ڪيو ۽ ملاقات جي درخوات ڪئي، ايران طرفان اڳڀرائي نظر اچي رھي آھي، ثالثي لاءِ پاڪستان اھم ترين ڪردار ادا ڪيو.
