ڪراچي: سعودي عرب طرفان پاڪستان کي وڌيڪ ھڪ ارب ڊالر جا فنڊز ملي ويا.
اسٽيٽ بئنڪ تصديق ڪندي چيو آھي تھ سعودي عرب طرفان 15 اپريل تي 2 ارب ڊالر پھريان ئي ملي چڪا آھن، 20 اپريل تي ويليو ڊيٽ تي ھڪ ارب ڊالر مليا.
سعودي عرب کان ملندڙ رقم 3 ارب ڊالر جي ڊپازٽ جي ٻي قسط آھي، سعودي عرب پاڪستان کي 3 ارب ڊالرز ڊپازٽ ڪرائڻ جو يقين ڏياريو ھو.
واضح رھي تھ ان کان اڳ ناڻي واري وفاقي وزير محمد اورنگزيب چيو ھو تھ سعودي حڪومت طرفان 3 ارب ڊالرز جي سپورٽ ايندڙ ھفتي تائين اسان کي ملي ويندي.
ناڻي واري وزير جو چوڻ ھو تھ 5 ارب ڊالرز جي ڊپازٽ جي بھ سالياڻي رول اوور بدران ٽن سالن جي واڌ ٿي ويندي، سالياڻي رول اوور بدران ان جي ميچورٽي 2028 تائين ويندي.
