اسلام آباد: پاڪستان اسٽريٽيجڪ پيٽروليم ريزروز قائم ڪرڻ جي منصوبي تي اڳڀرائي شروع ڪري ڇڏي آھي، جنھن جو مقصد 90 ڏينھن تائين ٻارڻ جا ذخيرا تيار ڪرڻ آھي.
اھو قدم آبناءِ ھرمز ۾ ممڪنھ عدم استحڪام سبب تيل جي سپلاءِ ۾ خلل جي خدشن کي نظر ۾ رکندي کنيو پيو وڃي، جيڪو عالمي سطح تي تيل جي ترسيل جو ھڪ اھم رستو آھي. اھا اڳڀرائي آمريڪا ۽ اسرائيل طرفان ايران جي خلاف تازي عسڪري ڇڪتاڻ بعد سامھون آئي آھي، جنھن عالمي توانائي مارڪيٽن ۾ غير يقيني صورتحال کي وڌائي ڇڏيو آھي.
منصوبي تحت حڪومت پيٽرول ۽ ڊيزل تي پيٽروليم ليوي لاڳو ڪرڻ تي غور ڪري رھي آھي جيڪڏھن في ليٽر 10 رپيا ليوي لڳائي وڃي تھ عملدارن موجب سالياڻو لڳ ڀڳ 20 ارب ليٽر کپت جي حساب سان اھو قدم ھر سال لڳ ڀڳ 200 ارب گڏ ڪري سگھي ٿو.
ٽن سالن ۾ اھا رقم لڳ ڀڳ 600 ارب رپيا (2 ارب ڊالر کان وڌيڪ) تائين پھچي سگھي ٿي، جنھن کي اسٽريٽيجڪ ذخيرن جي تعمير لاءِ استعمال ڪيو ويندو.
