بيجنگ :
آمريڪي صدر Donald Trump جي چين جي دوري دوران بيجنگ ۾ چيني صدر Xi Jinping سان ملاقات ٿي آهي۔
بي بي سي جي نمائندي اسٽيفن ميڪڊونل ٻنهي اڳواڻن جي باڊي لينگويج جو تجزيو ڪندي چيو آهي ته ٽرمپ هڪ منفرد شخصيت جا مالڪ آهن ۽ عالمي اڳواڻن سان ملاقاتن دوران سندن جسماني انداز اڪثر طاقت ۽ اعتماد جو اظهار ڪندو آهي۔
پر جڏھن هو شي جن پنگ سان گڏ نظر آيا ته ائين محسوس ٿيو ڄڻ هو ڪنهن اهڙي اڳواڻ سان ملي رهيا هجن جيڪو طاقت ۽ اثر رسوخ ۾ سندن برابر هجي، ۽ بظاهر ٽرمپ کي به ان ڳالهه جو احساس هو۔
مثال طور هٿ ملائڻ دوران ڏٺو ويو ته شي جن پنگ جو هٿ مٿي ۽ ٽرمپ جو هٿ هيٺ هو، جنهن بعد ٽرمپ پنهنجي ٻئي هٿ سان چيني صدر جي هٿ تي هلڪي ٿپڪي ڏني۔
اسٽيفن ميڪڊونل موجب ٻنهي اڳواڻن وچ ۾ هڪ اڻ ڏٺل قسم جو رابطو ۽ سمجهه موجود نظر آئي۔
ٻئي طرف ٽرمپ پنهنجي شاندار استقبال مان به لطف اندوز ٿيندي نظر آيا ۽ ان موقعي تي هن تاڙيون پڻ وڄايون۔
نمائندي موجب چيني اختيارين کي چڱيءَ ريت خبر آهي ته ٽرمپ کي ڪيئن خاص اهميت ۽ عزت جو احساس ڏيارڻو آهي۔
