مقبوضه بيت المقدس: اسرائيلي وزيراعظم نيتن ياهو چيو آهي ته اسرائيلي فوج ڏکڻ لبنان ۾ رٿابندي موجب پنهنجون ڪارروايون جاري رکندي.
نيتن ياهو سوشل ميڊيا پليٽ فارم ايڪس تي جاري ڪيل بيان ۾ چيو ته هن آمريڪي اڳوڻي صدر ڊونلڊ ٽرمپ کي واضح طور آگاهه ڪيو آهي ته جيڪڏهن حزب الله اسرائيلي شهرن ۽ شهرين تي حملا بند نه ڪيا ته اسرائيل بيروت ۾ مبينہ دهشتگرد هدفن کي نشانو بڻائيندو۔
اسرائيلي وزيراعظم چيو ته اسان جو هي موقف تبديل ناهي ٿيو، اسرائيلي فوجون ڏکڻ لبنان ۾ طئي ٿيل منصوبي مطابق ڪارروايون جاري رکنديون۔ هن وڌيڪ چيو ته لبنان جي علائقي ضاحيه تي حملن جو به حڪم ڏنو ويو آهي۔
واضح رهي ته ايران طرفان آمريڪا سان رابطا معطل ڪرڻ کان پوءِ آمريڪي صدر ڊونلڊ ٽرمپ نيتن ياهو سان هنگامي رابطو ڪيو هو ۽ ٽرمپ لبنان ۾ اسرائيلي ڪارروايون روڪڻ جو اعلان ڪيو هو۔
ٽرمپ پنهنجي سوشل ميڊيا پليٽ فارم Truth Social تي بيان جاري ڪندي چيو ته بيروت ڏانهن ڪا به فوج نه موڪلي ويندي ۽ جيڪي فوجي دستا اڳ ئي روانا ٿي چڪا آهن، انهن کي واپس موٽايو ويو آهي۔
هن وڌيڪ چيو ته اعليٰ سطحي نمائندن جي ذريعي سندس حزب الله سان به سٺو رابطو ٿيو، جنهن دوران جنگبندي تي اتفاق ڪيو ويو آهي۔
ٽرمپ موجب هن مفاهمت تحت اسرائيل حزب الله تي حملو نه ڪندو ۽ حزب الله به اسرائيل تي حملو نه ڪندي۔
