ممبئي : ڀارتي موسيقيءَ جي دنيا جي مشهور ۽ بااثر ڳائڻي آشا ڀوسلي کي هڪ اهڙي آواز طور سڃاتو ويندو آهي، جنهن ڪيترن ئي ڏهاڪن تائين ٻڌندڙن جي دلين تي راڄ ڪيو.
آشا ڀوسلي 8 سيپٽمبر 1933ع تي ڀارت جي شهر سنگلي ۾ ڄائي. هوءَ مشهور ڳائڻي لتا منگيشڪر جي ننڍي ڀيڻ هئي ۽ ننڍپڻ کان ئي موسيقيءَ واري ماحول ۾ پرورش ورتائين.
هن پنهنجي فني سفر جي شروعات صرف 10 ورهين جي عمر ۾ 1943ع ۾ ڪئي، جڏهن ته کيس ڪلاسيڪل موسيقي جي تربيت سندس والد دينانٿ منگيشڪر ڏني.
1950ع واري ڏهاڪي ۾ آشا ڀوسلي کي وڏي شهرت ملي ۽ هوءَ دنيا جي مشهور پلي بئڪ سنگرز ۾ شامل ٿي وئي. سندس آواز کي چنچل، جذباتي ۽ گهڻ رخي سمجهيو ويندو هو، جنهن کيس ٻين کان الڳ سڃاڻپ ڏني.
شاندار ڪيريئر:
20 کان وڌيڪ ٻولين ۾ ڳايو
12 هزار کان وڌيڪ گانا رڪارڊ ڪيا
هزارين فلمن لاءِ آواز ڏنو
غزل، قوالي، فلمي ۽ ڪلاسيڪل موسيقي ۾ مهارت
اعزاز ۽ سڃاڻپ:
آشا ڀوسلي کي پنهنجي خدمتن عيوض ڪيترائي اعزاز مليا، جن ۾ شامل آهن:
7 فلم فيئر ايوارڊ
2000ع ۾ دادا صاحب ڦالڪي ايوارڊ
2008ع ۾ پدم وبھوشن ايوارڊ
2011ع ۾ Guinness World Records کيس دنيا جي سڀ کان وڌيڪ رڪارڊنگ ڪندڙ ڳائڻي قرار ڏنو.
آشا ڀوسلي جو وڇوڙو موسيقيءَ جي دنيا لاءِ وڏو نقصان آهي. سندس آواز ۽ فن هميشه زنده رهندو ۽ ايندڙ نسلن لاءِ الهام جو ذريعو بڻجندو۔
