آمريڪا اسرائيلي حملي جي 55 ڏينھن کانپوءِ ايران مان پرڏيھي اڏامون بحال ٿي ويون.
ايران جي گادي واري ھنڌ تھران جي امام خميني انٽرنيشنل ايئرپورٽ تان اڄ اڏامون مدينھ، استنبول ۽ مسقط لاءِ روانيون ٿيون.
ايراني ميڊيا مطابق ايران مان حج 2026ع لاءِ اسٽاف ۽ ڪوآرڊينيٽر جي پھرين ٽيم سعودي عرب لاءِ رواني ٿي آھي.
ايئرپورٽ تان فضائي آپريشن جي بحالي بعد شنگھائي ۽ گوانگزو مان بھ اڏامن جي آمد متوقع آھي.
ھوڏانھن 55 ڏينھن ۾ پھريون ڀيرو دوحھ کان قطر ايئر جي اڏام تھران لاءِ رواني ٿي.
تھران مان اڄ دبئي، لاھور، نجف، مسقط جون اڏامون بھ شيڊول تي آھن.
ايراني ميڊيا مطابق ايندڙ ڏينھن ۾ فلائٽ آپريشن وڌيڪ تيز ڪيو ويندو.
