آمريڪا جي ايران سان جنگبندي ۾ واڌ کانپوءِ اڄ سڄي دنيا ۾ سون جي اگھن ۾ اضافو ۽ تيل جي قيمتن ۾ گھٽتائي ٿي.
برطانوي ميڊيا رپورٽ موجب تيل جي قيمتن ۾ گھٽتائي سبب مھانگائي ۾ ممڪنھ اضافي ۽ ڊگھي عرصي تائين وياج جي بلند شرح جا خدشا گھٽ ٿي ويا آھن.
اسپاٽ گولڊ جي قيمت 0.9 سيڪڙو اضافي سان 4 ھزار 755 ڊالرز في اونس تائين پھچي وئي، جڏھن تھ گذريل ڏينھن اھا 13 اپريل کانپوءِ گھٽ ترين سطح تي اچي وئي ھئي.
اھڙي طرح جون لاءِ آمريڪي گولڊ فيوچرز 1.1 سيڪڙو اضافي سان 4 ھزار 772 ڏھائي 90 ڊالرز تائين پھچي ويا.
چاندي جي قيمت 1.5 سيڪڙو اضافي سان 77.84 ڊالرز في اونس، پلاٽينئم 1.5 سيڪڙو اضافي سان 2067.25 ڊالرز ۽ پيليڊيم 1.8 سيڪڙو اضافي سان 1560.31 ڊالرز تائين پھچي ويو.
آمريڪي صدر ڊونلڊ ٽرمپ جنگبندي جي اختتام کان ڪجھھ ڪلاڪ اڳ اعلان ڪيو تھ آمريڪا ايران سان جنگبندي کي اڻ اعلانيل مدي تائين وڌائي رھيو آھي تھ جيئن وڌيڪ امن ڳالھين جي گنجائش پيدا ڪري سگھجي.
واضح رھي تھ ٻھ ھفتا اڳ شروع ٿيندڙ جنگبندي ۾ تازي واڌ بابت ٽرمپ جو اھو اعلان ظاھري طور تي ھڪ طرفو ھو ۽ فوري طور تي اھو واضح نھ ٿي سگھيو تھ ايران يا آمريڪا جو اتحادي اسرائيل بھ ان واڌ تي متفق ھوندو يا نھ.
ماريڪس جي تجزيھ ڪار ايڊورڊ موجب جنگبندي ۾ واڌ کانپوءِ مارڪيٽس ان بحران ۾ گھٽتائي محسوس ڪري رھيون آھن، جيڪڏھن جنگ ختم ٿي ٻيھر ڇڪتاڻ وڌي ٿي تھ ڊالر مضبوط ٿيندو، تيل ۽ وياج جي شرح ۾ اضافو ٿيندو جيڪو سون جي اگھھ تي دٻاءُ وجھندو.
ھن چيو تھ جنگبندي ۾ واڌ کانپوءِ عالمي مارڪيٽن ۾ حصص جا اگھھ وڌيا، ڊالر ڪمزور ٿيو ۽ تيل جي اگھن ۾ گھٽتائي ڏٺي وئي.
