تهران: ايران جي مرڪزي بئنڪ جي گورنر عبدالناصر همتي چيو آهي ته واشنگٽن سان ٿيل معاهدي تحت ايران کي ملندڙ منجمد فنڊن مان ڪجهه رقم آمريڪي زرعي شين جي خريداري تي خرچ ڪري سگهجي ٿي، پر ان حوالي سان ڪا لازمي شرط لاڳو نه ڪئي وئي آهي۔
وڊيو پيغام ۾ عبدالناصر همتي آمريڪي صدر ڊونلڊ ٽرمپ جي ان دعويٰ جي ترديد ڪئي ته معاهدي موجب ايران پابند آهي ته اها رقم صرف آمريڪي برآمدات خريد ڪرڻ لاءِ استعمال ڪري۔
هن چيو ته اهو درست آهي ته تهران کي شروعاتي طور جاري ڪيل 12 ارب ڊالر ضروري شين ۽ دوائن جي خريداري لاءِ استعمال ڪيا ويندا، پر ان سان ايران کي اها سهولت ملندي ته هو پنهنجا ٻيا مالي وسيلا پنهنجي ضرورتن ۽ ترجيحن موجب خرچ ڪري سگهي۔
