اسلام آباد: آءِ ايم ايف ايگزيڪيوٽو بورڊ جو اھم اجلاس اڄ واشنگٽن ۾ ٿيندو جنھن ۾ پاڪستان جي لاءِ 1.2 ارب ڊالر قرض جي قسط جي منظوري ڏني ويندي.
ناڻي واري وزارت مطابق اڄ آءِ ايم ايف ايگزيڪيوٽو بورڊ اجلاس ۾ پاڪستان جي ڪيس جو جائزو ورتو ويندو، 1.2 ارب ڊالر جي قرض جي قسط ايف ايف ايف ۽ آر ايس ايف پروگرامز تحت پاڪستان کي ملندي.
ٻڌايو ويو آھي تھ ٽئين جائزھ رپورٽ ڪامياب ٿيڻ جي صورت ۾ پاڪستان کي ھڪ ارب ڊالر ملندا جڏھن تھ آر ايس ايف جي ٻئي جائزي بعد 210 ملين ڊالر اضافي ملندا.
پاڪستان ۽ آءِ ايم ايف وچ ۾ 27 مارچ تي اسٽاف ليول معاھدو طئي ٿيو ھو، پاڪستان آءِ ايم ايف جي اڪثر شرطن تي عملدرآمد مڪمل ڪيو آھي، ايگزيڪيوٽو بورڊ اسٽاف ليول معاھدي جي روشني ۾ قرض جي منظوري ڏيندو.
ناڻي واري وزير محمد اورنگزيب مطابق پاڪستان اسٽاف ليول معاھدو ڪاميابي سان مڪمل ڪيو آھي، پاڪستان طرفان تمام اڳواٽ انتظام مڪمل، قرض جي منظوري ٿيندي.
