سعودي عرب جي سيڙپڪاري واري وزير خالد بن عبدالعزيز جي آرمي چيف جنرل عاصم منير سان ملاقات
آءِ ايس پي آر موجب ملاقات دوران ٻطرفي دلچسپي وارن معاملن تي خيالن جي ڏي وٺ ڪئي وئي
سعودي وزير ۽ آرمي چيف وچ ۾ ملاقات دوران مختلف شعبن ۾ سهڪار کي وڌيڪ مضبوط بڻائڻ جي قدمن بابت به ڳالهه ٻولهه ڪئي وئي
آرمي چيف سعودي بادشاهه شاهه سلمان ۽ ولي عهد محمد بن سلمان جي پاڪستان لاءِ حمايت تي ٿورا به مڃيا، آرمي چيف سعودي وفد کي پاڪستان جي مڪمل حمايت جي خاطري ڪرائي
آرمي چيف چيو ته سعودي عرب جي وڏي تجارتي وفد جو دورو پاڪ سعودي جٽادار ۽ ڀائپي وارن لاڳاپن جي تصديق ڪري ٿو، پاڪستان جو عوام سعودي عرب لاءِ وڏي عزت ۽ محبت رکي ٿو
سعودي عرب جي سيڙپڪاري واري وزير خالد بن عبدالعزيزجي اڳواڻي ۾ وفد گذريل ڏينهن صدر آصف علي زرداري سان به ملاقات ڪئي
