ايبٽ آباد : ڊاڪٽر وردا مشتاق کي اغوا ڪري قتل ڪرڻ ۾ ملوث جوابدارن جي گرفتاري ۽ ڊاڪٽر وردا مشتاق جو لاش ھٿ ڪرڻ بعد ڊسٽرڪٽ پوليس آفيسر هارون الرشيد، ايس پي قمر حيات خان ۽ ايس پي اشتياق احمد ميڊيا کي آگاھ ڪندي ٻڌايو تہ جوابدار گرفتار ٿي چڪا آهن ۽ لاش بہ ھٿ ڪيو ويو آهي۔
4 ڊسمبر رات 8:45 تي ڊاڪٽر وردا جي گمشدگي جي رپورٽ سندن والد ڪينٽ ڪينٽ ۾ داخل ڪرائي، جنهن تي پوليس فوري طور تي جاچ شروع ڪئي۔
شروعاتي جاچ موجب 2023 ۾ ڊاڪٽر وردا پنهنجي دوست رِدا وٽ 67 تولا سون امانت طور رکرايو هو، جنهن جي واپسي تي ٻنهي جي وچ ۾ تڪرار ۽ جرڳو پڻ ٿيو۔
4 ڊسمبر 2025 تي ردہ سون واپس ڪرڻ جي بهاني تي ڊاڪٽر وردا کي ڊي ايڇ ڪيو اسپتال کان پنهنجي گاڏي ۾ کڻي رحمان اسٽريٽ جدون پلازہ ۾ پنهنجي اڏاوت هيٺ گهر ۾ ڇڏيو شمعريز، پرويز ۽ هڪ اڻڄاتل شخص اڳواٽ موجود هئا۔
رِدا، نديم زيب ولد اورنگزيب جي منصوبابندي موجب، ڊاڪٽر وردا کي جوابدارن حوالي ڪري واپس پنهنجي گهر هلي وئي۔
پوليس سي سي ٽي وي فوٽيج ۽ سي ڊي آر جي مدد سان اصل حقيقتن تائين پهتي ۽ ڪارروائي ڪندي جوبدار نديم زيب، ردا جدون ۽ پرويز کي گرفتار ڪيو، جڏھن تہ مک جوابدار شمعريز جي گرفتاري لاءِ ڪوششون جاري آهن۔
گرفتار جوابدارن اعتراف ڪيو تہ هنن ڊاڪٽر وردا کي اغوا ڪري قتل ڪيو ۽ لاش کي ٿنڍياني جي علائقي ۾ جهنگل ۾ کڏ کوٽي دفن ڪيو۔ جوابدار پرويز جي نشاندهي تي ايس پي انويسٽيگيشن ۽ ڊي ايس پي هيڊڪوارٽرز جي اڳواڻي ۾ لاش ھٿ ڪيو ويو، جنهن کي پوسٽ مارٽم لاءِ موڪليو ويو۔
پوليس اٽڪل 100 کان وڌيڪ هنڌن تي ڇاپا هنيا، 35 کان وڌيڪ شڪي ماڻهن کان پڇا ڳاڇا ڪئي، واقعي ۾ استعمال ٿيل گاڏيون، سون سان لاڳاپيل اسٽامپ پيپر ۽ چيڪ ضبط ڪيا، ڪيس کي جديد طريقيڪار، فني سهولت ۽ گڏيل ٽيم ورڪ سان اڳتي وڌايو پيو وڃي۔
گرفتار جوابدارن ۾ رِدا زال وحيد، نديم ولد اورنگزيب ۽ پرويز ولد ايوب شامل آهن، جڏھن تہ شمعريز جي گرفتاري لاءِ ٻہ ٽيمون پشاور ۽ هڪ ايبٽ آباد ۾ مصروف آھي۔
ڊي پي او ايبٽ آباد چيو تہ ظلم ڪندڙ قانون جي پڪڙ کان بچي نہ سگھندا ۽ مقتولا کي ھر صورت ۾ انصاف ڏياريو ويندو……
