اسلام آباد : سپريم ڪورٽ پاڪستان جي فل ڪورٽ اجلاس ۾ سپريم ڪورٽ رولز 2025 ۾ ترميمون منظور ڪيون ويون، جڏھن تہ سپريم ڪورٽ سينيئر ايڊووڪيٽ جو اعزاز محمد منير پراچہ کي ڏئي ڇڏيو آھي.
چيف جسٽس يحيٰ آفريدي جي صدارت ھيٺ سپريم ڪورٽ جو فل ڪورٽ اجلاس ٿيو، جنھن ۾ سپريم ڪورٽ جي ججز شرڪت ڪئي، اجلاس ۾ سپريم ڪورٽ رولز 2025 ۾ ترميم ۽ سينيئر ايڊووڪيٽس جي اسٽيٽس بابت معاملن تي غور ڪيو ويو.
پڌرائي موجب فل ڪورٽ ڪميٽي جي سفارشن تي رولز 2025 جي منظوري ڏني، ڪميٽي ۾ جسٽس شاھد وحيد، جسٽس عرفان سعادت، جسٽس نعيم افغان شامل ھئا.
اجلاس ۾ سپريم ڪورٽ رولز 2025 ۾ ترميمون متفقہ طور تي منظور ڪيون ويون، پڌرائي موجب نئين رولز ۾ فوري انصاف جي گھرجن کي ترجيح ڏني وئي….
