پ پ چيئرمين بلاول ڀٽوزرداري چيو آھي تہ پي ٽي آءِ ۽ اسٽبلشمنٽ جي ڪري آزاد ڪشمير ۾ گذريل اليڪشن ۾ اسان جي ڪاميابي کي شڪست ۾ تبديل ڪيو ويو پر اڄ ھتي حڪومت ٺاھڻ جي پوزيشن ۾ آھيون.
پيپلزپارٽي آزاد ڪشمير جي پارلياماني پارٽي جي اجلاس کانپوءِ ميڊيا سان ڳالھائيندي بلاول ڀٽو زرداري چيو تہ اڄ آزاد ڪشمير جو پارلياماني اجلاس ھو، پ پ ۽ ڪشمير جي تاريخ سامھون آھي، پ پ جو بنياد ڪشمير مسئلي جي ڪري رکيو ويو.
هن چيو تہ اسين هر هنڌ ڪشمير جو ڪيس پيش ڪيو آهي، پ پ گذريل اليڪشن ۾ ڀرپور نموني حصو ورتو، ان وقت پي ٽي آءِ باني جي حڪومت هئي، جنهن ۾ اسٽيبلشمينٽ جو ڪردار سڀني جي سامهون هو، ان حالتن باوجود بہ پيپلزپارٽي جي اميدوارن سخت حالتن جو مقابلو ڪيو، پر آزاد ڪشمير جي گذريل اليڪشن ۾ سندن ڪاميابي کي شڪست ۾ تبديل ڪيو ويو ۔
هن چيو تہ غير سياسي سوچ ۽ سازشن جي نتيجي ۾ ڪشمير ۾ سياسي خال پيدا ڪيو ويو، جنهن سان عوام کي نقصان پهتو، پر پيپلز پارٽي پوءِ بہ پوئتي نه هٽي ۽ اسمبلي ۾پيپلز پارٽي نمائندگي ڪندي رھي ۽ اڄ پيپلز پارٽي آزاد ڪشمير ۾ حڪومت ٺاھڻ جي پوزيشن ٺاھڻ ۽ ھلائڻ جي پوزيشن ۾ آھي.
پي پي پي چيئرمين چيو تہ ھو ڪشميرين سان واعدو ڪري ٿو تہ کين مايوس نہ ڪندو، ڪشميرين جا جيڪا بہ مسئلا آهن، انھن جو سياسي حل ڪڍيو ويندو.
