ڪراچي (بيورو رپورٽ): سنڌ اسيمبلي آڏو وڪيلن پاران احتجاج جي اعلان کانپوءِ سيڪيورٽي انتظام سخت ڪندي اسيمبلي ڏانهن ويندڙ رستن کي بند ڪرڻ لاءِ ڪنٽينر پهچايا ويا آهن، جڏهن ته پوليس جي اضافي نفري پڻ مقرر ڪئي وئي آهي.
ذريعن موجب سنڌ اسيمبلي جي چوڌاري ايندڙ ويندڙ رستن تي رڪاوٽون قائم ڪرڻ جون تياريون ڪيون پيون وڃن، جڏهن ته احتجاج کي نظر ۾ رکندي پوليس اهلڪارن جي وڏي انگ کي به مقرر ڪيو ويو آهي. سنڌ اسيمبلي ۽ ان جي ڀرپاسي جا علائقا اڳ به احتجاجن دوران ريڊ زون سيڪيورٽي انتظامن هيٺ رهيا آهن.
وڪيلن جي احتجاج جي اعلان کانپوءِ امڪاني صورتحال کي نظر ۾ رکندي انتظاميا طرفان سيڪيورٽي ۽ ٽريفڪ جي انتظامن بابت پڻ تياريون ڪيون پيون وڃن، جڏهن ته صورتحال تي نظر رکڻ لاءِ پوليس اهلڪار مختلف هنڌن تي مقرر ڪيا ويا آهن.
