سنڌ جي سينيئر وزير شرجيلي ميمڻ چيو آھي تہ سنڌ حڪومت پاڪستان ۾ سڀ کان وڌيڪ ڪم ڪري رھي آھي.
خيرپور ۾ پيپلز بس سروس جي افتتاحي تقريب کي خطاب ڪندي ھن چيو تہ پروپيگنڊا بہ سڀ کان وڌيڪ اسان جي خلاف ڪئي ويندي آھي، اسان جو ڪنھن بہ جھيڙو ناھي.
شرجيل ميمڻ چيو تہ چاھيون ٿا تہ تمام سياسي جماعتون سياست ڪن، ھن وقت پيپلز پارٽي جو مقابلو ڪنھن جماعت سان ناھي.
ھن چيو تہ خيرپور ۾ پيپلز بس جا 2 روٽ شروع ڪري رھيا آھيون، وڌيڪ بسون بہ اينديون، پنڪ بسون، عورتن لاءِ اسڪوٽيز ۽ ڊبل ڊيڪر بسون بہ ھلنديون.
شرجيل ميمڻ چيو تہ پيپلز پارٽي جھڙي طرح ڪم ڪري رھي آھي ھر چونڊن ۾ سرخرو ٿيندي، اڄ بہ پوري پاڪستان مان مريض علاج لاءِ سنڌ ايندا آھن.
