اسلام آباد: صدر مملڪت آصف علي زرداري سان وزيراعظم شھباز شريف جي ملاقات ٿي جنھن ۾ صدر مھانگائي جي دٻاءُ ۾ گھٽتائي ۽ عوام کي رليف ڏيڻ لاءِ قدم کڻڻ جي ھدايت ڪئي.
ملاقات ۾ نائب وزيراعظم اسحاق ڊار، اسپيڪر اياز صادق، گھرو وزير محسن نقوي، قانون وارو وزير اعظم نذير تارڙ، سينيٽر سليم مانڊوي والا ۽ ڊاڪٽر عاصم بہ موجود ھو.
ملاقات ۾ ملڪ جي مجموعي صورتحال، افغانستان بابت معاملن ۽ خطي جي تبديل ٿيندڙ صورتحال تي ڳالھيون ٿيون.
ملاقات ۾ معرڪہ حق جي شھيدن ۽ ھٿياربند فوج جي پيشيواراڻي صلاحيتن کي خراج تحسين پيش ڪيو ويو ۽ قومي دفاع تي غير متزلزل عزم جو ارادو ڪيو ويو.
ان موقعي تي صدر زرداري جو چوڻ ھو تہ وچ اوڀر ۾ ڇڪتاڻ ۽ سپلاءِ چين متاثر ٿيڻ باوجود عوام کي وڌ کان وڌ رليف فراھم ڪيو وڃي.
صدر مملڪت مھانگائي جي دٻاءَ ۾ گھٽتائي، ضرورت جي شين جي دستيابي، عام ماڻھو کي رليف ڏيڻ لاءِ ممڪنہ قدمن جي بہ ھدايت ڪئي.
