برطانيا جي وزيراعظم ڪيئر اسٽارمر پنهنجي عهدي تان استعيفيٰ ڏيڻ جو اعلان ڪري ڇڏيو آهي۔
ٽن ڊائوننگ اسٽريٽ تي ميڊيا سان ڳالهائيندي هن چيو ته اڄ صبح سندس بادشاهه چارلس سان ڳالهه ٻولهه ٿي، ۽ هو پارٽي جي خواهش موجب پارٽي قيادت تان استعيفيٰ ڏئي رهيو آهي، جڏهن ته نئين قيادت جي چونڊ جو عمل مڪمل ٿيڻ تائين هو پنهنجي عهدي تي برقرار رهندو۔
ڪيئر اسٽارمر جو چوڻ هو ته هن ٻن سالن دوران معيشت کي مضبوط ڪيو ۽ ملڪ لاءِ ڪم ڪيو، جڏهن ته بار بار اهو چيو ويندو رهيو ته سندن پارٽي ڪمزور ٿي وئي آهي يا ختم ٿي وئي آهي۔
هن چيو ته اقتدار جي منظم ۽ بنا رڪاوٽ منتقلي کي يقيني بڻائڻ لاءِ هر ممڪن ڪوشش ڪندو ۽ ايندڙ وزيراعظم سان مڪمل سهڪار ڪندو۔
واضح رهي ته ڪيئر اسٽارمر 2024ع جي عام چونڊن ۾ وڏي اڪثريت سان ڪاميابي حاصل ڪئي هئي۔
برطانيا ۾ ليبر پارٽي 4 جولاءِ 2024ع تي ٻيهر اقتدار ۾ آئي هئي، جنهن عام چونڊن ۾ تاريخي فتح حاصل ڪئي. 2024ع ۾ ليبر پارٽي جي ڪاميابي سان 14 سالن کان جاري ڪنزرويٽو پارٽي جي حڪومت جو خاتمو ٿيو۔
2010ع کان 2024ع تائين برطانيا تي 5 مختلف ڪنزرويٽو وزيراعظمن حڪومت ڪئي، جن ۾ ڊيوڊ ڪيمرون، ٿيريسا مَي، بورس جانسن، لِز ٽراس ۽ رشي سوناڪ شامل آهن. 2024ع ۾ ليبر پارٽي جي وزيراعظم ڪيئر اسٽارمر حڪومت سنڀالي هئي۔
ياد رهي ته هڪ ڏهاڪي دوران برطانيا جو هي ڇهون وزيراعظم آهي جنهن استعيفيٰ ڏني آهي۔
