آمريڪا ايران تي نيون پابنديون لاڳو ڪري ڇڏيون آهن، سپريم ليڊر مجتبيٰ خامنه اي جي مبينا مالي مددگار علي انصاري سميت 13 ماڻهن ۽ مختلف ادارن کي بليڪ لسٽ ڪري ڇڏيو آهي.
پرڏيهي خبر ايجنسي موجب، آمريڪا دبئي ۾ رهندڙ ايراني بينڪر ۽ واپاري علي انصاري تي پاسدارانِ انقلاب ۽ ايراني حڪومتي شخصيتن کي مالي سهڪار فراهم ڪرڻ جو الزام لڳايو آهي.
آمريڪا علي انصاري سميت 13 ماڻهن ۽ مختلف ادارن کي بليڪ لسٽ ڪري ڇڏيو آهي، جن ۾ ايران جا 3 ايڪسچينج هائوسز ۽ ڪيتريون ئي فرنٽ ڪمپنيون پڻ شامل آهن.
آمريڪي ناڻي واري کاتي موجب، انهن پابندين جو مقصد ايراني قيادت جي عالمي مالياتي نظام تائين پهچ کي محدود ڪرڻ ۽ پرڏيهي ڪرنسي جي ذريعن کي روڪڻ آهي.
