اطلاعات واري وفاقي وزير چيو آهي تہ پاڪستان ڪابل ۽ ننگرھار ۾ افغان طالبان جي عسڪري تنصيبات کي انتهائي درستگي سان نشانو بڻايو آهي، تنهنڪري افغان طالبان رجيم جي ترجمان جو بيان ڪوڙو ۽ گمراهہ ڪندڙ آھي، جنھن کي رد ڪيون ٿا.
اطلاعات کاتي موجب طالبان رجيم جي نام نهاد ترجمان جي دعويٰ حقيقتن جي ابتڙ آهي ۽ ان جو مقصد عوامي راءِ کي گمراهہ ڪرڻ آهي۔
اطلاعات واري وزارت ٻڌايو تہ 16 مارچ جي رات پاڪستان ڪابل ۽ ننگرھار ۾ دهشتگردي جي معاون ڍانچي کي نشانو بڻايو، جنهن ۾ ٽيڪنيڪي سامان جا ذخيرا ۽ هٿيارن سميت گولا بارود جا ذخيرا شامل هئا.
اطلاعات کاتي موجب پاڪستان جون ڪارروايون انتهائي درست ۽ محتاط هونديون آهن تہ جيئن ڪو بہ اضافي نقصان نہ ٿئي۔
وزارت وڌيڪ چيو تہ انهن هدفن کي منشيات بحالي مرڪز قرار ڏيڻ رڳو جذبات کي ڀڙڪائڻ جي ڪوشش آهي۔…
