عربي سمنڊ ۾ ٺھيل سامونڊي طوفان شڪتي جو زور وڌي ويو، اڄ ڪراچي سميت سنڌ جي مختلف شھرن ۾ برسات جو امڪان آھي.
موسميات کاتي موجب شڪتي طوفان ھن وقت عربي سمنڊ ۾ اتر اولھ طرف ڪراچي کان 700 ڪلوميٽر پري آھي .
موسميات کاتي موجب شڪتي طوفان جو زور وڌي ويو آھي پر ان مان سنڌ ۽ بلوچستان جي ساحلي علائقن ۾ کي خطرو نہ آھي، سڀاڻي کان طوفان جو زور گھٽجڻ شروع ٿي ويندو.
موسميات کاتي اڄ ڪراچي ۾ موسم گرم ۽ جھڙالي رھڻ جي اڳڪٿي ڪندي چيو آھي تہ ڪجھ علائقن ۾ ڪڻ ڪڻ يا ھلڪي برسات پئجي سگھي ٿي.
موسميات کاتي موجب اڄ بہ ڪراچي، ٺٽي، سجاول ۽ ڄامشوري ضلعي جي مختلف علائقن ۾ ڪڪر وسي سگھن ٿا.
موسميات کاتي جو چوڻ آھي تہ مھاڻا 7 آڪٽوبر تائين اوني ۾ سمنڊ ۾ وڃڻ کان پاسو ڪن.
