ايراني مرڪزي بينڪ جي گورنر عبدالناصر همتي چيو آهي ته پرڏيھي ملڪن ۾ منجمد ڪيل ايراني اثاثن جي استعمال جو عمل ايندڙ ڪجهه ڏينهن ۾ آهستي آهستي شروع ڪيو ويندو۔
ايراني ميڊيا موجب سومر تي پنهنجي بيان ۾ عبدالناصر همتي چيو ته انهن اثاثن جي استعمال جو عمل مرحليوار اڳتي وڌايو ويندو ۽ ان سلسلي ۾ سڀ قدم مرڪزي بينڪ جي پاليسين ۽ هدايتن مطابق کنيا ويندا۔
رپورٽن مطابق ايران جا اربين ڊالرن جا اثاثا مختلف ملڪن ۾ منجمد حالت ۾ موجود آهن، جن جي بحالي جو معاملو به تازين سفارتي ڳالهين دوران بحث هيٺ رهيو آهي۔
انهن رپورٽن ۾ اهو به چيو ويو آهي ته ايران وٽ پرڏيھي ملڪن ۾ وڏي مقدار ۾ مالي اثاثا موجود آهن، ۽ انهن تائين رسائي حاصل ڪرڻ تھران لاءِ هڪ اهم ترجيح بڻيل آهي، خاص طور تي موجوده معاشي دٻاءُ جي تناظر ۾۔
ماهرن موجب جيڪڏهن اهي منجمد اثاثا جاري ٿي وڃن ته ايران جي معيشت تي اهم اثر پئجي سگهي ٿو، پر ان لاءِ بين الاقوامي سطح تي وڌيڪ سفارتي اڳڀرائي ۽ معاهدن جي ضرورت آهي۔
